Den oranan prome cu merdia a tuma luga un accidente cu herido dilanti aeropuerto Reina Beatrix.
E hecho a tuma luga rond di 10’or di mainta. Un Nissan Sentra bahando direccion di Playa dado momento a perde control pa despues bolter. Den e vehiculo tabatin dos persona cu a resulta herida.
A resulta cu e chauffeur tabata coriendo tras di un truck. Dado momento un vehiculo dilanti e truck a brake. Chauffeur di e truck tambe a bay brake mesora. E Nissan Sentra coriendo tras di e truck a lastra un brake basta fuerte, pero no por a controla su auto.
Na momento cu el a perde control, el a dal den e truck pa despues bay dal na rand di e caminda pa bolter.
Durante tur e momentonan aki, e pasahero tabatin su man (brasa) pafo di e auto y a consecuencia di esaki, door di e impacto el a perde cuatro dede.
E caminda a keda basta rato cera pa autoridadnan por a haci nan investigacion.