CAIRO – Al menos 20 persona a muri y 40 mas a resulta herida diaranson den un accidente di trein den e stacion central di EL Cairo, segun fuentenan di siguridad y mediconan.
Segun e fuentenan, e accidente a provoca un candela den e interior di e station di Ramses, e principal di e capital Egipcio.
Television publico a confirma e balans di e accidente, segun AFP.
Un decena di ambulance y otro vehiculonan di bombero ta dilanti e station, un periodista di AFP a reseña. Polis, y bomberonan a inspecciona e interior di e trein kima.
Prome Minister Egipcio Mostafa Madbuly a acudi na e luga di siniestro.
“Tur esunnan responsabel di negligencia mester paga pa esaki” y asumi e “grave consecuencianan”, el a afirma.
Riba potret y videonan riba rednan social por wak un huma preto ta sali for di e station. Otro imagennan di e interior ta mustra un plataforma na candela, y hendenan coriendo pa yuda e victimanan.
Algun medionan di comunicacion local, un trein a dal contra di un bloki di metal y otronan ta bisa cu ta contra di e un plataforma.
Na Egipto, accidentenan ta algo cu ta tuma luga regularmente, tanto di trafico como di trein debi na un circulacion anarkico, autonan bieu y un mantenemento deficiente y tambe e poco vigilancia ariba e careteranan.