TURIN, Italia- Al menos dos persona a muri y 20 a resulta herida di gravedad den un accidente di trein den e localidad di Caluso, Turin na Italia. E accidente a tuma luga despues cu un trein di pasahero y un truck a dal den otro, cerca di mei anochi di diaranson.
Segun La Reppublica, e accidente a tuma luga na un crusada, na momento cu e truck a purba crusa cu velocidad halto, cual a ocasiona cu dos wagon y e locomotief a sali for di e railnan. Entre e victimanan mortal tin e makinista di e trein y un tecnico. Tres di e heridonan ta den e estado grave.
Fuente: https://elpais.com/