Por lo menos 39 persona a muri y un cantidad otro a keda herida ora cu e trein a sali for di su railnan den e estado Andra Pradeh na India.
Nuebe wagon a sali for di e railnan cerca di e station Kuneru na Vizianagaram.
Ainda tin hopi persona pega den e ruina di e trein y rescatistanan ta adverti cu e cantidad di persona cu a perde nan bida por subi.
Ainda no ta conoci kico tabata e causa cu e train a sali for di e railsnan.
E accidente a sosode riba un Diasabra anochi, ora cu e trein tabata bayendo for di Jagdalpur pa Bhubaneswar, e capital di e estado di Odisha.
Accidentenan di trein no ta algo inusual na India, na unda cu mayoria di e railnan ta anticua.
Na November ultimo mas di 140 persona a muri ora cu un trein a sali for di su railnan.
Na Mei 2015 un otro accidente a sosode na Uttar Pradesh, matando 39 persona y 150 persona a keda herida.