Ocho persona a fayece y 23 a resulta herida diahuebs, despues cu un bus turistico a dal contra un dijk y a bolter den e ciudad di Teixeira de Freitas, den zuid di e estado Brasileño di Bahia.
Segun e website G1, Polis Federal di Caretera a informa cu e accidente a sosode pa 4’or y mey di marduga, ora local. E bus, cu 31 pasahero y dos chauffeur, a sali for di Rio de Janeiro y tabata na caminda pa Porto Seguro, un popular destion vacacional na Brasil.
E heridonan a wordo hiba n’e Hospital Municipal di Teixeira de Freitas y ainda no tin informacion riba nan estado di salud.