CHATTANOOGA, Tennessee – Un bus di scol yena cu mucha a dal contra di un palo, a kentel y despues a parti den mita. Studiantenan den shock tabata yora ora cu rescatistanan tabata traha pa oranan largo pa saca nan for di e bus. Mayornan frenetico tabata grita pa nan yiunan.
Tabata un escena hororifico dialuna merdia den un caya na Chattanooga, Tennessee. Y ainda diamars mainta, e ciudad ta den shock.
E chauffeur di bus, Johnthony Walker a wordo culpa di morto vehicular. (vehicular homicide)
Por lo menos cinco mucha a muri den e accidente, segun oficialnan di scol y seis otro a keda hospitalisa den un unidad di cuido intensivo.
“Cinco ta un number maldiciona pa nos pais awor aki. Nos ta…. Deal awor aki cu un perdida inimaginabel,” Alcalde Andy Berde a bisa. “E cos di mas inatural na mundo pa un mayor ta lamenta morto di un yiu.”
Autoridad a aresta e chauffeur di bus, Jonthony Walker, di 24 aña, culpando e di morto vehicular. Pero investigadornan ainda ta trahando pa mustra kico ta causa di e accidente.
Hefe di Polis: Investigadonan ta enfoca riba velocidad
Tin un posibel cos cu autoridadnan ya caba a mustra riba dje: velocidad.
E bus di scol, cu tabata tin basta mucha abordo, tabata core den un caminda basta small dialuna merdia, di acuerdo cu e rapport di aresto.
“Sr. Walker a perde control riba e bus, cu a sali for di caminda na man drechi, a dal un plateau y un postbox, a zwaai bay na man robes y a cuminda ta kentel, dal despues riba un palo di telefon y un mata,” e reporte a bisa.
Testigonan a declara y evidencia fisico a mustra cu Walker tabata coriendo riba un velocidad basta halto, basta riba e limite di velocidad di 30 miya pa ora, segun e reporte.
Condicionnan di coremento tabata cla y seco, hefe di polis di Chattanooga, Fred Fletcher y ningun otro vehiculo a keda envolvi den e accidente.
Walker a wordo acusa di cinco caso di morto vehicular, pone bida na peliger y coremento di auto fo’i sla. E por enfrenta mas cargo si e caso sigui pa un gran hurado di Hamilton county, segun hefe di polis.
Investigadornan ta entrevistando testivonan, pero tambe tin otro evidencia na nan disposicion, incluyendo video y un caha di informacion for di e bus.
Un Hunta di Siguridad di Transporte Nacional a yega na Chattanooga riba diamars mainta. Entre preguntanan cu e investigadornan ta evaluando: Kico ta e historia di e conductor? Kico ta e historia di su dunado di trabao, e Servicionan di Durham School? Y si cualkier cos por wordo haci pa evita accidentenan manera esaki pasa den futuro?
“Nos ta manda nos condolencianan na e mayornan di e muchanan. Mi yiu muhe ta bay scol den bus tur dia. Mi ta compronde esey,” presidente di e hunta di siguridad, Christopher Hart a conta reporteronan mas tempran. “Nos lo haci tur cos posibel pa purba preveni esaki pa sosode atrobe.”