PARIS, France- E accidente di avion Airbus di Air France, cu a cay den oceano Atlantico dia 1 di juni 2009, cubriendo e ruta Rio de Janeiro- Pair, causando morto di e 228 ocupantenan di e avion, ta debi esencialmente na un eror di nabegacion. Esaki ta loke e expertonan di investigacion a entrega na e hues Frances cu a ordena e investigacion.
E documento, filtra pa un asociacion di famia di victima, ta pusha pa segundo plano e responsabilidad di Airbus y Air France, acusa di homicidio involuntario. Segun e investigacion “e causa directo di e accidente ta e perdida di control di e trayectorio di e aparato di conduccion di e tripulacion”, refiriendo na e dos co-pilotonan, un di e cual, e comandante, tabata ausente di e cabina na e momento ey.
Otro “causanan indirecto” ta wordo atribui na Air France, pa fayonan den e formacion y e informacion di su personal, particularmente den e falta di entrenamento den e sistema di nabegacion na un altitud halto y den e gestion di incidente tocante e indicacion di velocidad eroneo.