Dialuna atardi rib’e caminda di Santa Cruz net poco panort di botica central a sosode un accidente unda chauffeur di un ford figo no a regula su velocidad y distancia a dal tras di un chevrolet y despues e chevrolet a dal tras di un toyota tercel.
Debi n’e impacto e chauffeur den e chevrolet y persona sinta dene ford figo a resulta levemente herida. Polis tabata presente pa anota tur dato, e caminda a keda cera ambos banda debi cu e autonan tabata riba caminda. Ambulance a presenta n’e sitio y paramedico a brinda asistencia medico na esnan envolvi.