Dialuna mainta riba e caminda di Moko net un poco panort di Parke Arawa a sosode un accidente basta fuerte pa falta di preferencia. Un Chevrolet Spark blanco saliendo for di e t-weg di Moko Residence ta yega subi caminda sin duna un Hyundai Accent blauw biniendo di nort preferencia y ta dal den dje.
E impacto tawata basta fuerte y a pone e Spark bay halto y a spin para mas pazuid. 3 unidad di ambulans a presenta ya cu tawata tin 3 herido entre nan un baby cu tawata den su child seat den e Accent pero door di e impacto fuerte e baby a keda spanta y pa siguransa a transporte pa hospital pa control medico mas avansa. Tambe e chauffeur di e Spark a haya basta sla y tawata keha di dolor y tambe a bay hospital. E pasahero den e Accent a wordo controla na e sitio mes. Polis di trafico y roadservice di seguro a presenta pa tuma dato y tambe patruya di Noord a presenta pa unda e trafico cu tawata pega.