Diadomingo pa 7’or anochi riba e caminda di Piedra Plat altura di e veld di flatstone a sosode un accidente unda un mustang a subi caminda dal contra di un nissan tiida. E chauffeur di e tiida despues di e impacto a perde control dal contra di un palo di luz basta duro.
Tabatin dos persona grandi cu a keda herida y atendi pa personalnan di ambulance transporta pa hospital. Polis di trafico y Santa Cruz tabata na e sitio y a pone e chauffeur femenino di e mustang supla y a resulta di ta bou influencia, y a keda hiba warda di Polis. Por a tuma nota cu autonan para banda di caminda tambe a hunga un rol pa e visibilidad di e chauffeur di e mustang cu a subi caminda pa wak si auto ta bin for di pazuid.