Diasabra marduga na e crusada di Prof Lorentzstraat y Weststraat un accidente di auto bsata fuerte a keda registra unda un hyundai creta no a duna preferencia na un kia sportage biniendo for di pariba riba su caminda di preferencia.
E impacto tabata fuerte momento cu e sportage a dal den e hyundai y aki e hyundai a bay dal den baranca. E dama chauffeur den e hyundai a resulta levemente herida, y a keda atendi pa personal di ambulance. Un di dos unidad di ambulance a presenta pa controla e otro chauffeur di e sportage. Polis a tuma dato for di ambos partido y roadservice a keda encarga pa kita e autonan for di riba caminda.