Diaranson banda di 9’or mainta na e crusada di Palm Beach unda ta cera parcialmente cu baricada debi cu e luznan di trafico ta for di servicio a sosode un accidente entre dos auto basta fuerte.
Falta di preferencia a hunga un rol unda chauffeur turista den un Jeep Wrangler a subi e crusada y dal den un pickup great wall.
Den e jeep tabatin un pareha turista di edad y un a ricibi corta door di glas cu a spart. Polis a solicita unidad di ambulance pa controla esnan herida.
E pickup tabata bayendo direccion nort unda e jeep biniendo for di pabou a yega subi su dilanti y ta unda e autonan a dal basta duro contra di otro. Na final takelwagen a presenta pa bay cu e autonan pa nan destino.