Diadomingo anochi na Bubali net dilanti di Cheng’s supermarket ta sosode un accidente di auto basta fuerte cu un total di cuatro auto envolvi. Un señora a bay drenta e supermarket pa cumpra algun cos y a scucha un desordo fuerte. Ora e persona a sali pafo a mira cu su auto no t’ey el a kere cu nan a joyride e.
Despues cu e persona a sali a topa cu su auto destrui y hinca den cura di un cas. A topa tambe cu un kia sportage, toyota rav4 y un nissan march staciona. E rav4 despues di a dal den un borchi di propaganda esaki a bin abou y a dal den un nissan march cu tabata staciona. Polis a combersa cu tur chauffeur envolvi pa saca afo kico a sosode. Polis di trafico a haci nan investigacion y papia cu testigo tambe. Dos unidad di ambulance a presenta pa atende cu e heridonan n’e sitio. Na final takelwagen di seguro a lanta e autonan destrui y bay cu nan pa nan destino.