Diadomingo pasa di 12’or di marduga riba e caminda di Shiribana net dilanti di Subway a sosode un accidente basta fuerte cu a laga dos auto basta kibra y persona herida, di biaha a mobilisa polisnan y ambulance pe sitio.
Na yegada di e patruya ta topa cu un hyundai basta kibra parti dilanti y piezanan benta riba caminda, poco mas pariba a topa cu un ford cu tambe tabata kibra dilanti y airbagnan a sali.
Segun testigonan cu e caminda tabata bashi y e chauffeur hoben den e hyundai a sali for di e parkeer plaats pa bay ariba, y e ford tabata biniendo tur cu tin for di pabou y a dal den banda di e hyundai bente riba un pion di cemente y e auto a cay den e parkeerplaats bek di subway, y e ford mes a bay para dos pal’i luz mas pariba.
E hoben den e hyundai a resulta herida y spanta y no tabata sa kico a pasa. Un paramedico pasando a topa cu e accidente y a baha duna un man, ambulance a yega basta lihe y brinda asistencia, debi na e situacion polis di trafico a presenta pa haci investigacion.