Diasabra marduga a sucede un accidente basta fuerte riba e caminda di Moko net na altura di Mi Dudu Restaurant. Un Hyundai Creta blanco biniendo di zuid ta hala mucho e otro banda di caminda y ta dal den trafico contrario cu ta un auto shinishi y sigui bai dal den un palo di luz pa despues spin y para cara pazuid.
E impacto tawata fuerte unda tur dos auto a keda completamente destrui. Un palo di luz hunto cu su transformator a keda destrui. Hopi waya di coriente tambe a keda benta riba caminda. Ambos chauffeur a keda herida. Ambulance a atende cu nan. E chauffeur di e Hyundai Creta tawata bou di influencia di alcohol.
Daño material tawata hopi grandi. Polis di trafico tambe a wordo solicita pa bin tuma dato. Dos auto tambe cu a pasa riba e caminda net despues di e accidente a haya daño causa door di e waya nan cu tawata colga. Un hyundai Santa Fe blauw su backshield a keda destrui ora cu un waya a pega den e wiper y ranca esaki pone e backshield kibra. Un Ford Escape blanco tambe a haya daño unda un waya a rasca e auto.