Den careda di 7’or y mey di anochi, a drenta informacion di un accidente basta pisa cu hopi daño material, n’e T-weg na Shaba, panort di Do it Center, entre un truck cu tabata transportando un bobcat y un auto di famia, un KIA Rio.
Polis a cera e caminda, p’asina haci su investigacionnan ken por ta robes den e desgracia aki.
Ambulance n’e sitio a atende un persona cu tabata levemente herida den e accidente aki cu impacto basta fuerte.
Por a nota cu e front di e auto di famia a keda na werki.
Tin di remarca cu polis tabata man yen cu diferente accidente rond di e isla y esaki ta un di nan cu a sosode anochi trempan riba e caminda di Shaba.
Manera por a mira e accidente, e ta mustra cu ta falta di preferencia di parti di e KIA, cu a bira bin dal den e Truck net ora cu e ta birando e skina. Pero investigacion policial lo saca afo kico realmente a sosode.
Roadservice tambe a presenta, p’asina tuma e datonan necesario pa seguro.
