Diasabra marduga a sucede un accidente net prome cu e rotonde di Santa Helenastraat. Polis tawata persigui un auto Altezza y coriendo cu zwaailicht y sirena autonan tawata baha caminda pa laga e polis pasa. Y un auto Volkswagen Golf cora a baha caminda y kier a bay subi bek pero no ta paga tino cu e Daewoo Racer blanco su dilanti tambe ta subi caminda y ta dal tras di e Daewoo.
Daño ta minimo. Polis a constata cu e chauffeur di e Golf ta bou di influencia y a pone supla y a surpasa e limite. Polis a detene y transporte pa warda. Polis a tuma dato y a tuma e Volkswagen den beslag pa no tin su papelnan na ordo.