Diasabra pasa di 3:30 marduga autoridad ta keda informa cu riba Sasakiweg na e rotonde nobo pabou di super food tin un accidente pisa unda auto a dal den e rotonde y bolter. Patruyanan ta yega y topa cu un hyundai riba su dak basta kibra riba parti di e rotonde. Den e auto tabata tin un persona pero no a sali. Un amigo cu a sali cune y tabata sigui meternan leu a bin topa cu e accidente y a informa e polisnan cu e homber ta den e auto ainda.
https://www.facebook.com/masnoticia/videos/1915672338542148/
Ambulans a yega basta lihe, mester a warda brandweer presenta pa corta e auto pa yega na e victima. Debi na e slanan fuerte na su cabes y curpa e homber di 31 aña di edad a fayece. Dokter a presenta na e sitio pa constata morto di F.Hsing naci na Aruba na 1987. Specialista di trafico tabata presente pa haci nan investigacion, e auto a bolter for di yegando e rotonde unda e caminda nobo a keda traha ranca parti di acera y benta e blokinan riba caminda y a bin pega den e rotonde. Personal di slachtofferhulp a presenta pa atende cu e famia na e sitio.