Internacional: E academia di Oscar’s a informa den un comunicado oficial diaranson anochi cu e accionnan di Smith tabata un “evento traumatico y profundamente impactante” cu a kibra e standartnan di conducta y cu e accionnan disciplinario por inclui na un suspension of expulsion y otro sancionnan. Tambe a informa cu durante e incidente a pidi e actor e anochi ey pa bandona e ceremonia pero Smith a nenga esaki.
Un dia despues di e incidente durante e premio Oscar, Will Smith a disculpa su mes cu Rock y a splica loke el a sinti cu e comediante a realisa un joke relaciona cu su casa.
Smith a bisa cu e violencia y otro formanan toxico y destructivo di mi comportacion e anochi ey di e premio di academia tabata inaceptabel. E jokenan den mi direccion ta forma parti di mi trabou pero un joke di e condicion di Jada tabata demaciado leu pami y ma reacciona emocionalmente, asina Smith a publica riba su cuenta di instagram.