Abuso sexual di seournan: un otro escandalo ta sali na cla na Vaticano

VATICANO- E abuso sexual di soeurnan y creyentenan door di pastoor y obisponan, como tambe e aborto como resultado di e abusonan, pa hopi aña no a haya atencion, debi na otro scandalnan den e Iglesia Catolico Romano.

E situacion parce di a cambia e siman aki, ora cu Papa Fransisco a reconoce e problema publicamente pa prome biaha.

“Esaki a hacimi feliz”, Lucetta Scaraffia, autor di un articulo cu ta denuncia e abuso cu soeur y sirbidonan di misa, devotonan, a sufri na man di pastoornan, a comenta. E articulo aki a wordo publica den e revista “Donne Chiesa Mundo”, cu ta wordo distribui hunto cu e corant di Vaticano.

For di su apartamento di Roma, den cual por bisa cu a bira un studio di television yen di reporteronan internacional, segun su palabranan. Scaraffia ta señala cu “por fin, awo hopi muhe lo tin e balor pa papia riba e tema aki y denuncia e abusadonan”.

E comentarionan cu e papa a realisa dia 5 di februari, contestando un pregunta cu nan a haci’e den e avion papal riba e articulo di Scaraffi, a bin decadanan despues di acusacionnan persistente di e tipo di abusonan y un aparente pasividad di Vaticano, cual awo ta topa cu’n consenshi intensifica for di e epoca di #MeToo. Tambe e ta yega un poco prome cu e congreso extraordinario di e obisponan riba abuso sexual cual ta programa pa wordo celebra na Vaticano, otro luna.

 

Comments

comments