Mas di 5000 persona ta crusa diariamente na ambos direccion pa Sali di nan pais. E ONG di Venezuela ta monitorea e abuso di derecho di humano na e regionnan di frontera.
For di maart cu a cera frontera, e homicidio di e region a aumenta un 28.7% na comparacion cu e mesun periodo aña pasa. Esaki ta wak mas na frontera di Cucuta. Director di FundaRedes, Javier Tarazona a bisa cu e grupo arma ilegal ta controla e teritorio.
Nan ta menasa e integridad di hende muhe cu obhetivo di traficacion sexual of labor. E Covid-19 a haci cu e contexto di frontera ta mas opresivo y violento. Hopi hende muhe di Venezuela ta ser gaña cu lo tin oferta di trabou na Colombia pero ora nan yega ta keda forsa pa traha den traficacion sexual, segun informe di UNODC.
E secretario di frontera di Santader, Colombia, Victor Bautista ta bisa cu gobierno ta consciente di e riesgo pa expone civil na e violencia di frontera ‘esnan mas vulnerabel ta exponi na abuso y explotacion sexual’.
E falta di status legal ta pone cu hende muhe di Venezuela no lo busca husticia na Colombia. Ora cu nan haci denuncia di violencia sexual of delito cometi, nan no ta wordo investiga segun organisacion local di hende muhe.