Segun Abogado Jurima Bryson, den media ta para cu parce cu tur hende kier redoblacion di nan salario. Loke cu e orden di abogado ta papiando di dje, mester tene cuenta cune cu den e ultimo 20 añanan, como kiera costo di bida a bira dobel e prijs. Esey ta sigur. Si bay na 1997, caminda cu pan tabata 1,90, awor aki e ta 3,85 awor aki. Ademas di esey, si conta kico tur ta e gastonan cu tin cu wordo kita di loke ta haya actualmente, tin cu paga e AOV, e AWW, impuesto di e mesun cen cu nan ta haya, tin cu paga e telefon. Awor aki tin cu paga parkeo tambe, tanto na corte, na ministerio publico y tambe na warda di polis Playa, pasobra JZP a verhuis bay eynan. Riba dje, e trabaonan mes tambe a bira mas hopi. Esey ta encera cu si na momento cu un hende wordo aresta, es decir deteni, wanta, e prome seis oranan pa e wordo scucha, eynan tambe e tin derecho pa un abogado bin cerca dje y dun’e un conseho di ki informacion e bay duna polis si of no y con su defensa ta bay mustra.
Tur esaki, ora cu contnan hunto cu e redoblacion di e costo di bida, e ora e ahuste cu e abogadonan ta pidi no ta asina desproporcional. Locual cu ta pidi ta solamente un placa husto den balance pa e trabao cu nan ta haci.
Ora cu conta cu cada caso ta mas of menos 20 ora di nan tempo, conta cu tur e gastonan cu e abogadonan mes tin cu e trabao, sin conta gasolin, papel, clientenan cu ta stranhero y cu wordo deteni na Aruba, ta wordo spera di abogado cu nan ta tuma contacto riba nan mesun costo cu e famianan den exterior. Tur esaki tin cu bay pa cuenta di abogado, kitando loke nan ta haya. Ora cu wak loke ta keda cune netto den man, ta casi menos cu mita. E no ta cuadra pa locual cu e trabao cu e abogadonan ta haci. Esey ta locual cu ta papia di dje. Si no bin un claridad di kico ta haci, na momento cu un persona wordo deteni, si e pidi pa asistencia segun saldus, ta bay. Si e no pidi y tin derecho pa tene distancia, tin biaha no por, depende su circunstancia, e abogado ta bay. Si e no yama, door cu nan ta bay na momento cu e wordo deteni, ta dune asistencia. Bryson a splica cu ora cu bin corte, pa wak si su detencion a bay segun ley, e abogado tey. Si bin despues di 10 dia pa bewaring, un biaha mas abogado tey. E ta bin gevangenhouden, atrobe e abogado tey. Si e persona wordo scucha 10 biaha durante su detencion, pasobra polis kier sa un hecho castigabel a tuma luga of con no lo tuma luga y bisa si e kier su abogado, nan ta para verhoor, yama abogado, traha cita y un biaha mas e abogado mester sinta eynan. Si tin cu scucha testigo, nan tin cu prepara pregunta pa testigo y bin sinta pa interogacion. Esaki ta asina hopi trabao, pa asina hopi placa, Bryson a afirma.