Despues di a anuncia e prolongacion di e accion, a wordo manda un invitacion na minister di asuntonan social pa discuti, manera menciona den e ultimo conferencia di prensa, e situacion mirando e hecho, cu aunke cu loke ta trata piket, ta cay bao di ministerio di husticia, e pago di asistencia a base di piket, ta cay riba e presupuesto di asuntonan social, segun abogado Jose Figaroa, representando e orden di abogado.
A manda un email pidiendo un audiencia. A manda tambe un reminder riba esey, cual a bay diaranson of diahuebs. Te na e momentonan aki oficialmente no a ricibi ningun contesta y esey ta nifica cu e prome ocho dianan ta vence y lo cuminsa fase dos, cual ni den e casonan nobo di piket, ni e casonan cu ta andando, cu ta yegando raad otro siman, abogdonan cu ta coriendo piket, no lo duna asistencia.
Normalmente riba diahuebs y diabierna ta haya casonan penal cu ta wordo trata den corte y esnan cu tin un abogado di piket, no lo ricibi asistencia di abogado.
Awor aki te loke nan a tende cu e problema lo ta placa. Pesey a dicidi tambe di acerca e minister di asuntonan social, como cu e ta cay bao di su presupuesto. Mas informacion cu esey no tin como cu te ainda no a ricibi un respuesta di su banda. Una bes cu papia cun’e, por tin un idea mas miho, di unda precies e problema ta sinta. Manera indica ultimo biaha, di loke sa inoficialmente. No ta papiando di sumanan grandi di placa y si mira loke ta pidiendo compara cu por ehempel loke a wordo ofreci na Corsou, despues cu Corsou tambe a bay den un accion hopi mas cortico cu esun di Aruba, na Corsou a wordo ofreci hopi mas y na e momentonan aki na St. Maarten tambe tin un accion tumando luga door di e abogadonan. Ultimo aki, 11 abogado en total a join e accion, unda cu tambe ta pidiendo pa aumento di e piket como cu eynan tambe nan ta pega na sumanan hopi anticua, segun Figaroa.