Welga di abogadonan a caba dia 7 di October mirando cu e keda cla cu e asunto di pago cu Gobierno segun abogado Jose Figaroa.
El a comenta cu siman pasa a reuni cu minister di asuntonan social, unda cu a palabra cu e lo haci un proposicion na e ordo di abogado riba e aumento di e pago di piketnan y na mes momento a probecha pa papia riba e pago di loke ta trata e casonan civil. Casonan civil tambe tin asistencia legal cubri door di Gobierno. E ora ey loke a palabra cu e minister cu lo manda un proposicion cual lo mester a wordo trata den un reunion cu tur e miembronan di ordo di abogado.
Di parti di minister a wordo pidi pa duna espacio pa haci e aumento no den un solo biaha, pero si inicialmente si por haci’e den tres aña. A indica pa haci’e den dos aña, pero a mara na dje si e ora ey cu ta dispuesto pa pas’e den dos aña, pero mester papia e ora di e parti civil. Esey ta loke a sosode. Loke a wordo proponi door di minister cu e pago ta 300 florin pa cada fase. Tres fase di 300 florin, cu entrante di 1 di Januari 2017, e lo bira tres fase di 450 florin y pa 1 di Januari 2018, e lo bira 600 florin. Cu ta e redoblacion cu a wordo pidi. Tambe a wordo acorda cu lo bay dilanti of cu lo palabra cu minister di husticia riba e aumento di pago di e casonan civil, unda cu esey si e proposicion ta pa e subi den tres aña, pero esey si na luga di wordo redobla, e ta wordo triplifica. E ta pega na 600 florin completo pa hopi aña caba. E ora eynan, e palabracion ta cu e lo sosode di e forma ey, segun Figaroa.