Tin un pregunta riba mesa caminda cu kico lo pasa si Gobierno bisa cu e no lo deal mas cu e orden di abogado y dicidi di bay deal cu otro grupo. Riba esaki, abogado Jose Figaroa, a contesta cu prome cu a cuminsa cu e accion di 10 dia, a tuma contacto cu tur abogado. Esnan cu ta miembro di e orden y esnan cu no ta miembro y di parti di tur hende a haya tende cu nan ta apoya e accion aki. Di banda ey tecnicamente ta posibel cu Gobierno por bisa cu lo acerca un abogado pa haci’e. Lo ta ironico si cu no tin placa pa paga e piket advokaat pero si tin placa pa otro hende haci e caso. Ta keda na nan . Hecho ta si cu e accion aki tin backup di tanto e abogadonan cu ta afilia na orden y abogadonan cu no ta afilia na e orden.
Figaroa a sigui splica cu e situacion ta fastioso si pero di un otro banda e no ta den man di e orden cu el a yega asina leu. Manera cu Figaroa a splica, no ta for di awo esaki ta sosode. Ta pa hopi tempo caba e abogadonan ta pidiendo un ahuste, data di 1997. E asunto ta bay tiki mas leu, el a splica. Awor aki e abogadonan ta haciendo trabao cu nan no ta wordo paga pe. 20 aña pasa, e exigencianan pa un piket advokaat ta hopi menos. Awor aki, a base di decisionnan di corte di husticia na Europa, tin cierto derechonan cu a bin acerca, unda cu e asistencia como abogado ta obliga di ta presente na mas momento cu e tabata antes, mientras cu no ta wordo paga pa esey. Tempo cu a cuminsa, basicamente e exigencia tabata pa ta presencia tres biaha durante e proceso di detencion y awor aki e exigencia ta cu mester ta presente hasta prome cu e proceso di detencion. Na momento cu un persona wordo aresta, por pidi pa wordo scucha pa un abogado. Na e momento ey e persona ta aresta. Pesey e abogado no ta wordo paga pe. Tin cu tene na cuenta cu esey ta algo cu ya pa 7 aña caba, e abogado ta haciendo sin ta wordo paga pe. No ta algo cu ta ayera e obligacion ta bin acerca. Pa 7 aña largo, sin ta wordo paga, den diferente biaha ta presenta, pasobra e parti ey no ta wordo paga y awor aki recientemente a bin exigencia cu mester ta presente tambe na momento cu interogacion ta tuma luga. Esey por ta un biaha, e por ta 20 biaha mes. E abogado no ta wordo paga pa ta presente eynan, pero si ta wordo spera, pa e tey.
Un bes mas minister di husticia a bisa cu no tin placa pa cumpli cu esaki y pesey ordo di abogado no por haya e placa cu nan ta pidi, segun Figaroa.
Nunca tabata tin ahuste pa loke ta e pago, pero e ta sinta tambe den e hecho cu e trabao cu ta wordo exigi di e abogado tambe a aumenta, el a comenta.
No sa si ta necesariamente mas, pero en todo caso e trabao si a bira mas, como cu mester tey presente na mas cu un ocasion.
For di e combersacionnan cu tabata tin cu minister constantemente ta loke ta wordo bisa cu no tin espacio financiero pa haci esey. A sinta na dos ocasion cu minister y tur dos biaha loke a wordo bisa ta cu e forsa financiero pa por cubri e gastonan extra cu un aumento lo trece cune no tey, pero di un otro banda mester tene na cuenta cu esaki ta un obligacion di parti di Gobierno. No ta asina cu e ta un escogencia. E ta un obligacion. Como Gobierno ta obliga pa duna asistencia legal gratuito na esnan cu wordo deteni. Si e placa ey no tey como Minister mester busca espacio pa esey wordo haci. Mescos cu e abogadonan ta obliga pa cumpli cu ley, gobierno tambe ta obliga pa cumpli cu ley.
A pidi pa e prijs di 900 bira 1800 pa e abogado por haya pa su trabou. Abogado Figaroa a splica cu
Locual eigenlijk ta e mesun peticion a wordo haci tanto na Corsou, tambe ta e exigencia cu ta wordo haci awor aki na St. Maarten y ta mas of menos igual tambe ta wordo paga na Boneiro. Na Corsou hasta mientras tanto a wordo logra mas.
Loke cu ta pidiendo no ta nada disproporcional. Ta basicamente mesun cos cu abogadonan tur rond den Reino a pidi pa ahusta. Na Corsou esey a wordo duna. Berdad tin un situacion tiki straño unda den husticia. Una bes cu un persona wordo deteni, e ta cay bao di husticia. Door cu ta un pago, e ta cay bao di minister di asuntonan social. Pa e motibo ey tambe a dicidi di no bay intensifica e accion mesora, sino duna ocho dia mas, manteniendo e mesun accion, mirando cu ta bay acerca awor aki e minister di asuntonan social, Paul Croes, pa wak kico su pensamento ta, riba e peticion. Pa ta fair den e banda ey, como cu no a papia cun’e ainda, ta mantene e accion mesun caminda pa e prome ocho dianan. Si en caso cu papia cune, tampoco no yega na nada concreto, e ora si lo bay intensifica e accion.