Abogado mr. Helen Lejuez ta splica kico ta e paso cu lo bay tuma pa cana e caminda legal contra e docente kende a cuminsa tur e problema aki mirando cu a purba di cana e camidna bon. Pero mirando cu poco ta ser haci pa esnan responsabel, caminda cu mester tuma accion.
Lejuez ta representa sra. Gladys Croes-Saladin. Na prome instante, ora cu nan a bay como abogado, sino como un familiar y tambe como su consehero, tanto den casonan legal y no legal. Esey ta e motibo cu el a bay cune tambe na DPS pa haya un bon solucion pa e problema.
El a sigui splica cu e no ta contento con DPS a maneha e asunto aki. Tambe a bay inspectie y a spera berdad, ora cu lo bay bin un bon resultado y tabata di acuerdo cu tin cu bin cu un solucion y no cu e juffrouw aki por bay e bek e scol, en todo caso, no den e klas.
E sorpresa tabata grandi ora cu e juffrouw a bin bek y tur loke ta pasando na e momento aki, ningun mayor mester pasa den e cos aki y si acaso tin un cos ta pasa cu e mucha, ta yama e mayor apart den tur caso, ta papia cun’e. Loke a pasa aki, ta mustra cu ta violacion di derecho di mucha. Riba e caminda ey, Lejuez no a cuminsa cana, pero e no ta wordo descarta. Esey no por, segun e abogado.
Mester respeta
Segun e abogado, esaki ta un sorto di discriminacion cu no por tuma luga. Si lesa nos leynan, esey ta hopi erg cu un juffrouw di scol cu ta studia na IPA, e mester educa muchanan, ta haci esey. Segun e abogado, IPA mester cuestiona su hendenan y wak si mester bin mas bijscholing riba e tereno aki. Pero segun cu tin entendi, cu esaki no ta e prome caso y ta kere cu mester bin cu respet na Aruba pa no solamente pa mucha, pero pa tur hende. Esey si ta haya falta di dje. Esey ta un derecho fundamental, segun e abogado.
Tin un caminda legal pa cana, e abogado a splica. Esey no tabata e deseo na prome instante, pero mirando cu e juffrouw a keda instiga, ta pensando kico ta bay haci. No ta bay bisa kico lo bay haci, ni a tuma e decision. Ainda e abogado ta purbando bay wak con por regla esaki den un bon forma, pasobra no ta cumbini ningun hende pa bay corte, cual ta e ultimo instancia cu tin cu bay. Pakico no por drecha e asunto aki. Ta manda e juffrouw aki bek den e klas, e abogado ta cuestiona e decision ey.
E abogado a menciona cu si un persona ta bon informa kico ta pasando, e persona ey cu ta tuma e decisionnan, e mester sa ki decision pa tuma y esaki no tabata un bon ehempel.