CAIRO, Egipto- Un abogado Egipcio a wordo sentencia na tres aña di prizon, despues cu el a bisa cu un muhe cu ta bisti jeans kibra mester wordo viola como un castigo.
Nabih al- Wahsh, un abogado conservativo prominente, a haya un boet di 1130 dollar.
E abogado a haci e remarca aki den un show di television na October, durante un debate ariba un proposicion di ley tocante prostitucion.
“Bo ta contento ora cu bo wak un mucha muhe ta cana riba caya, cu mita di su atrás ta mustra?”, el a bisa.
El a agrega: “Mi ta bisa cu ora un mucha muhe ta cana asina, e ta un deber patriotico pa acosa e hoben aki sexualmente y un deber nacional pa viola e hoben aki”.
Wahsh a bisa cu e muhe cu ta bisti pañanan revelador ta invitando “homber pa acosa nan” y cu “proteha moral ta mas importante cu proteha fronteranan”.
Anteriormente Wahsh a bisa cu e Holocausta tabata un imaginacion y a declara su mes “Anti Semitista”.
“Si mi wak cualkier Israelo, mi lo mat’e”, el a bisa durante e show.
October aña pasa, Wahsh tabata envolvi den un pelea televisa cu un clero, despues cu e clero a sugeri cu e hende muhe no necesariamente mester bisti un lenso.
Fuente: http://www.bbc.com