SANTA CRUZ, Bolivia – Ta trata aki di e abogado Boliviano, Guido Colque, defensor di e exfuncionario aeronautico Celia Castedo.
Castedo ta un di e implicadonan pa tin un supuesto culpa den e caso di e avion di Lamia, accidenta na Colombia. Y su abogado a fayece anochi di un atake di curason den un audiencia hudicial pa otro caso, un fuente huridico a informa.
Colque tabata participa den un audiencia den un husgado di e bario Plan 3000, den e ciudad Boliviano di Santa Cruz (oos), ora cu el a perde conocemento y no tabata tin forma pa yud’e, abogado Otto Ritter, kende tabata un di e amigonan di e fayecido a confirma.
“Den plena audiencia, el a sufri un paro y e deselnace ya ta conoci, pero ta inconcebibel cu den un cas di Husticia manera esun di Plan 3000, no tin ni un first aid kit,” el a protesta.
Ritter, kende ta abogado penalista den varios caso polemico, a agrega cu tabata “inhumano” e audiencia cu a continua tras di e traslado di Colque na un centro medico pa e wordo atendi.
El a subraya cu, na diferencia di otro ciudadnan Boliviano, solamente na Santa Cruz, e husgadonan ta descentralisa den e barionan, loke, segun el a bisa, ta aumenta e stress di e abogado y e investigadonan cu tin cu mobilisa di un luga pa otro.
Colque a defende Celia Castedo, e exfuncionario di e Administracion di Aeropuerto y Servicionan di Nabegacion Aereo (AASANA), kende a pidi asilo na Brasil, tras considera cu e ta wordo inhustamente acusa pa e accidente di e avion di e empresa Lamia.
Castedo tabata e persona kende a haci observacionnan riba e autonomia di e plan di vuelo di e avion di Lamia cu a sali for di Santa Cruz y cu, segun e investigacionnan, a accidenta prome cu el a yega na e aeropuerto di Medellin pa falta di combustibel, causando e morto di 71 di su 77 pasaheronan, entre nan, parti di e ekipo Chapecoense Brasileño.
Fuente: RCN Noticias