Abogado Benvinda de Sousa a reitera cu ora inversionistanan yega di afo na Aruba. E por ta dificil door cu bo no conoce camindanan pa cana. E por ta dificil. E por ta mustra onoverzichtelijk. Gobierno tin instrumentonan poni na nan luga pa yuda y guia inversionista. E abogado a menciona e agencia Arina, Aruba Investment Agency cu tey pa yuda e inversionista, pa guia e inversionista, dune conseho con pa deal cu economische zaken, con pa busca un permiso na Dimas, etc. Arina ta un facilitator pa inversionista. Si ta bon pa haya publicidad cu Arina tey pa duna apoyo na e inversionista. Tin instrumento, pero nan no ta suficientemente conoci, segun de Sousa.