Diadomingo atardi rond di Spaans Lagoen na altura di Rancho Clemente y bisindario un gang di abeha a sali y ataca full un famia cu a caba di sali for di lama. Personanan a informa di mira varios persona na grito ta core rond den e area, y despues a resulta cu ta atake di abeha.
Patruyanan di biaha a presenta den e area y a bay cu e famia completo na e parkeerplaats di telearuba pa ta mas sigur. Eynan e unidadnan di ambulance a presenta di biaha y brinda asistencia na tur hende. Tanto hende grandi y mucha chikito. Algun tabata spanta y polis a papia cu nan. Un hende a keda transporta pa imsan pa atencion medico.