Sr Jaime Croes encarga cu departamento di DIP a remarca cu e tin cu gradici e empleadonan di DIP cu a demostra hopi insistencia pa logra e meta di actualisa e dato di peticionnan di tereno. Pero awor aki nos tin futuro tambe di un ROPV, un ROP cu ta mustra nos na unda nos tin cu traha cas y abase di esaki tur hende ta ripara cu mester tene cuenta cu medio ambiente y mester tene cuenta na hendenan cu kier haci plantacion y kico tur e tereno aki ta resta e cantidad di tereno cu tin pa cas y por a mira esaki riba e ROP cua nan ta. Si mira con e parti di demogravia ta bayendo ta bin ripara cu nos tin un situacion pa 2025 unda te e aña aki e ROPV ta mara na dje y tin mas un menos 5 mil hende tin necesidad di cas den e proximo 5 añanan. Abase di esaki dimes a bay mira kavelsnan y no por keda duna hende mas individualmente un percela pa e proximo añanan y abase di esaki a bin cu proyectonan cu mester bay halto, y e parti teritorio di Aruba ta cortico. Sr jaime Croes a bisa ta biniendo cu diferente proyectonan grandi y bunita na San Nicolas combina cu diferente tipo di edificionan pa cas y lo por introduci esaki na nos comunidad, nos ta convenci abase di loke nos itn pa e proximo 5 pa 10 aña no ta keda nos nada otro cu traha casnan bay halto ( edificio ) ta alternativa pa nos hendenan unda lo mester cambia di duna hende individual un erfpak y dunanan un unit abase di proyectonan cu Gobierno ta bin cune.