Empleadonan di Aruba Airport Authority N.V. (AAA) presente na aeropuerto tabata contento di por yama bon bini na un otro vuelo directo mas cu Delta ta ofrece, e biaha aki e ruta pa e temporada di winter: Minneapolis – Aruba. E pasaheronan di Delta a wordo ricibi cu un toke di aprecio ora cu nan baha for di avion.
CEO di AAA Sr. James Fazio orguyosamente a yama bonbini na e vuelo: “Esaki ta un dia pa celebra, pasobra cu e servicio nobo di Delta nos ta brindando opcionnan adicional di calidad pa nos pasaheronan. Esaki ta un momento fantastico, pasobra den winter ta probablemente un di e mihor momentonan pa ta riba nos isla. Pasaheronan di e area midwest di Merca tin hopi confiansa den e aerolinea y nos ta convenci cu nos lo yama bonbini na vuelonan adicional di Delta for di Minneapolis pa Aruba den futuro.”
Delta Airlines lo brinda servicio semanal MSP – AUA (Minneapolis – Aruba) desde 23 di December, 2017 y lo sigui ofrese e servicio aki te cu 31 di Maart, 2018. E vuelo aki ta e di 3 buelo non-stop pa Aruba door di Delta Airlines, mirando cu Atlanta y New York tambe ta wordo ofreci non-stop door di e aerolinea. E vuelo nobo semanal pa e temporada di winter MSP – AUA cu ta wordo opera cu un avion tipo B737-800 ta yega 4:40 pm y tin e capacidad pa acomoda 199 pasahero.
Cobertura di e team di Aeropuerto di Aruba yamando e pasaheronan bonbini por wordo mira riba e facebook page di aeropuerto “Queen Beatrix International Airport – Aruba”.