Ayera tardi, Curom Broadcasting, conoci p’e stacionnan di radio Z86 y Mi96, a wordo declara den bancarota pa corte. E noticia inespera aki a provoca e clausura di inmediato di e transmision tanto di Z86 como di Mi95.
Curom Broadcasting, cu a celebra su di 90 aniversario na principio di e aña aki, a cuminsa transmiti na 1933. E bancarota a afecta ambos emisora menciona ya cu 88Rockoursou pa un tempo caba ya no ta forma parti di Curom y ta opera di manera independiente.
PROBLEMA FINANCIERO
Curom tin algun tempo ta pasando den problema financiero, specialmente pa loke ta cumplimento d e obligacionnan cu nan empleadonan.
Dos luna pasa ya tabata conoci riba e rednan social cu un real estate agent a pone e edificio di Curom den Kaya Grandi na Otrabanda, na benta.
E bancarota inevitabel aki, declara pa corte, a provoca e paro di inmediato di e transmisionnan di e dos emisoranan di radio.
E acontecimento ta marca un final scur pa un emisora historico di Corsou cu algun biaha tabata pionero den e transmision di radio local. Segun e expertonan, e desaparicion di Z86 y Mi95 ta laga un bashi den e panorama radial di Corsou.