Polis antidisturbio a uza diaranson un mashin pisa pa disolve un campamento pro-Palestion n’e Universidad di Amsterdam (Hulanda), segun por a aparece riba un video difundi riba red social, e medionan local a informa.
Den e grabion por a observa con varios manifestante a purba di impedi e trabaonan di e mashin. Tambe, e imagennan a mustra con e agentenan tabata pone forsa riba e hendenan cu tabata protesta n’e negativa di bandona e luga, yegado hasta na golpianan cu kincena y detene nan den algun caso.
Polis a splica cu nan a cuminsa desmantela e baricadanan cu e manifestantenan a lanta, despues cu e centro educativo a presenta un denuncia p’e invasion, vandalismo y destruccion, detayando cu e participantenan di e protesta no solamente ta studiante, sino tambe hende cu no ta afilia n’e universidad y cu conscientemente kier a enfrenta e forsanan di orden.
“E acontecimentonan di e ultimo dianan na UvA y vecindario, tabata surpasa claramente e fronteranan. E manifestacionnan ta permiti. Semper. Pero uza violencia contra polis y causa destruccion nunca ta permiti. Basta ya!”, prome mnister Mark Rutte a skirbi riba su cuenta oficial di e red social X.