Riba rednan social por a mira un video caminda un cliente di Cas di Machi a hinca su cabes mei mei di e tralinan di e luga. E video a bay viral pa cual representante legal di e Fundacion Cas di Machi, Sra. Desiree de Souza- Croes, a sinti cu ta necesario pa duna nan banda di medaya.
Hopi famia tin un of mas miembronan di nan famia ta sufri di Alzheimer. E cliente en cuestion ta sufri di Alzheimer y e ta algo hopi fastioso. Cas di Machi ta haci tur lo posibel pa e clientenan aki por ta feliz, liber y cana rond. Compara cu otro luganan, na Cas di Machi no ta duna e clientenan inyeccion, no ta duna pildo y tampoco ta laganan drumi henter dia, e clientenan ta cana rond. Y ora cosnan asina aki pasa, ta pa siña di dje. Si Sra. mr. De Souza- Croes ta haya un lastima cu e cos a bay asina, mirando cu e persona cu a filma por a baha y avisa e personal como tambe e directiva di e situacion fastioso cu e persona tabata aden, mirando cu ta trata di un persona mayor.
Esun cu a filma no a tene cuenta cu e derecho ariba privacidad di e cliente, y ta famia dicidi kico ta e siguiente paso. Famia tambe tin comprension cu cosnan por pasa. A tuma e pasonan necesario pa cosnan manera esaki no pasa mas. Un biaha mas, e luga ta nechi y limpi. Por ripara cu e clientenan ta hopi liber, tin un programa, nan por pasa tempo cu famia, famianan ta liber pa bin bishita nan ser keri den Cas di Machi. Te asina leu, representante legal di Fundacion Cas di Machi, Sra. mr. Desiree de Souza- Croes, ariba e sucedido ya menciona.