Un boluntario di e kerki, Sra. Rosa Croes a splica con duro a traha pa por a logra a drecha e kerki di Piedra Plat pa cual e hecho aki sigur ta di lamenta.
Sra. Croes ta un miembro di Kerki Protestant y dia 25 di Mei nan a traha asina duro, unda cu nan a tene un dia di famia na Kerki. Tabata tin bake- sale, hopi cos pa bende y nan a haya un bon ganashi. Cu e placa aki, nan tabata por a traha ariba e cas. Pero ta di lamenta, pa locual cu e persona cu a haci e cos aki, sin pidi permiso, nan no sa cuanto placa ta hinca aden.
E materialnan aki so, ta costa mas di 20 mil florin. Ta haci un suplica na cada persona, cada famia, cada hende cu por wak un otro hende ta bende e machinenan aki, pa por fabor di trece e machinenan aki bek. Nan mester di dje, pa nan por caba di drecha nan kerki.
Un biaha mas, Sra. Croes ta lamenta locual a pasa na Kerki di Piedra Plat. Nan ta haci un yamado, pa please trece locual nan a bay cun’e, bek.
Dominee Hazenoot a entrega denuncia na polis. Sra. Croes por ultimo a bisa, cu e camaranan a graba tur cos, aunke nan no ta mucho duidelijk, pero si nan tin mas o menos un bista di ken a drenta bay cu e cosnan. Si nan no trece e locual nan a bay cun’e, nan mes lo bay buscanan. Dios ta pordona, y ken nos ta pa keda sin pordona. Unico cos cu ta wordo pidi ta, pa trece e machinenan, bek.