Diaranson atardi famia ta yega cas di un ser keri na San Barbola cu nan tin dia sin tende di dje, y ora a drenta paden a topa cu e persona sin bida den e camber. Patruya di Oranjestad a acudi na e sitio y a constata cu esaki ta cuadra y di biaha a notifica recherche y departamento tecnico presenta. Hasta Comisario di Polis a presenta pa ta na altura di e situacion. Personal di slachtofferhulp tambe a presenta pa atende cu e famianan cu tabata yega na e sitio. Dokter a presenta na e sitio y pasa di 4 or atardi a constata morto di e homber di 54 aña. Palabra di profundo condolencia na famia di e fayecido.