Varios automobilista cu tabata pasa riba e caminda principal di Pos Chikito poco pariba di e rotonde panort di caminda band’i e vangrail a constata un homber benta abou no ta move. Na prome instante nan a kere cu auto a dal e homber. Polis a presenta n’e sitio y a mira e situacion a bay lanta e homber na e manera tactico cu ta keda haci y e homber a logra di haci un movecion, y asina a constata cu e ta basta bebi. Polis a dune un cuarto gratis pa sosega e curpa na warda di polis.