Diamars pasa di 12’or di marduga habitante den su cas a haya holor di candela pafo di cas y ora a bay wak a mira huma fo’i auto staciona dilanti cas. E habitante a constata cu desconoci a tira molotov rib’e auto y aki a pasa man cu hemchi cu awa aden y tira riba e candela. Polis a presenta y a tuma e denuncia di e doño di e auto. A pasa esaki den man di recherche pa investiga y mira rond den bario unda tin camara pa haci investigacion y pone man rib’e malechornan.
