Den e ultimo 4 siman nan Plan di Mayor hunto cu Universidad di Aruba a voer uit e onderzoek nombra ‘Nos Hoben y Su Bida Familiar’. E meta tabata pa yega na un total di 400 hoben di edad entre 12 pa 16 aña, a acudi na 13 scolnan secundario rond di Aruba. E prome etapa di e estudio tabata pa hoben nan a yena e encuesta den forma digital (tablet), e encuesta aki tabata totalmente anonimo.
Topico di e preguntanan tabata e hoben su situacion personal (edad, scol, sexo etc.), e constelacion di famia di e hoben, e relacion di e mayornan y e hoben y por ultimo e hoben su comportacion y sentimientonan. E trabou aki a wordo coordina door di Marvin Odor di Instituto Pedagogico Arubano, Michella Steenvoorde – Laclé, Thalina Willems, Michelmira Arends, Damisha Cruz di Plan di Mayor. Den total nos a logra di haya 424 hoben pa participa den e encuesta na 13 diferente scol secundario.
E resultado di e estudio aki lo wordo uza pa establece y formalisa e guia y acuerdonan encerando cuido y areglo di bishita despues di e implementacion di e ley, y e efectividad di Plan Di Mayor.
E di dos etapa ta cuminsa awor, e data lo wordo procesa pa Dr. Luc Alofs y Drs. Judesca Briceño di Universidad di Aruba den colaboracion cu Dr. Inge van der Valk di Universidad di Utrecht. E investigadornan aki lo prepara e presentacion di e data aki, y lo inicia preparacionan pa aki 2 aña nos ripiti e encuesta aki na tur scol secundario.
Plan di Mayor kier a gradici tur mayornan y scolnan di Aruba pa laga nan yiunan participa na e estudio.
Pa mas informacion por bishita e Facebook Page di plan di Mayor Aruba, por mira e videonan na e canal di YouTube di Plan di Mayor Aruba, por bishita e website di Plan di Mayor na www.plandimayor.org of por tuma contacto cu nos na nos whatsapp line +297 569 6871.
