Den oranan tempran di anochi a mobilisa diferente patruya ora cu a bati alarma pa un intento di robo dilanti un clinica veterinario pariba di dr. Horacio Oduber Hospital.
Ta un guardia di siguridad trahando den bisindario a mira e movecionnan sospechoso prome cu 8or di anochi y a informa su central cu na su turno a bati alarma cerca polis.
A mira con e dos personanan aki tabata trata of busca forma pa drenta e luga y sigur e no tabata pa consulta di nan mascota, ya cu e luga tabata cera.
Momento cu a scucha alarma a trata di subi un pickup den bisindario mientras cu un a drenta den mondi. Ora cu patruya a yega na e sitio, a constata cu niun di e dos sospechosonan tabata na e sitio mas. Ta parce cu no por a subi e pickup ya cu e tire tabata flat.
A haci uzo di helicopter pa busca den e area pero no a logra haya nan mesora, pero no a topa cu nada.