Despues di reunionnan di trabao na Colombia pa loke ta importacion di carni for di Colombia bou guia di embahada Hulandes, minister Chris Romero a splica cu e siguiente stap ta pa reuni cu esunnan concerni na Aruba, pa nan bay Colombia pa reuni cu ICA. Minister di Sector Primario, Sr. Chris ROmero ta splica.
ICA ta un di e instancianan mas renoba di Suramerica, cu ta keur e diferente puntonan central cu ta exporta carni. Bou di e matadonan, ICA ta conoci mundialmente, te hasta na Hulanda, ya cu Colombia ta exporta carni pa Hulanda y varios pais Europeo.
Sr. Romero a cuminsa cu e combersacionnan den e area aki y e siguiente paso ta afspraaknan cu e partidonan concerni, p.e. Servicio Veterinario pero tambe gobierno di Colombia y Sr. romero mes, y tameb ICA cu ta conoci cu diferente matador.
Asina a pone e bala lora, unda a pidi pa esaki cuminsa mas pronto posibel. ICA lo kier cuminsa mas pronto posibel, pero Aruba mester pasa prome door di Conseho di Minister. Colombia ta willing pa exporta y esey ta na nos beneficio. E meta ta pa trece productonan na un miho prijs pa Aruba, pa asina alivia cierto dolornan cu ta reina bou di e pueblo di Aruba, segun e mandatario, Sr. Chris Romero.