Diasabra a tuma luga un incidente unda danki personanan atento a logra salva tres menor di edad cu tabata den problema riba lama.
Tabata rond di 3’or di atardi cu a drenta un yamada na e Punto di Sosten di Wardacosta na Aruba informando cu tin tres (3) mucha riba laman cu tin problema cu nan boto.
Nan tabata na altura di Zeerover, den e área di lagoen, anto nan tabatin dificultad pa rema bin paden. Mesora un Metal Shark di Wardacosta a sali pa duna asistencia na e hobennan. A saca nan for di lama y trece nan sano y salvo bek tera.