Awe den oranan di atardi a tuma luga un accion di rescate riba lama,net pabou di Manchebo.
A bati alarma na autoridadnan cu tin un yate confrontando problema riba lama na e area pabou di Aruba. E informacionnan cu tabata yega na autoridadnan di waf tabata un poco confuso.
Prome tabata bisa cu e motor a daña pa cual e yate tabata drief bay afo y na mesun momento tabata bisa cu e ta yenando cu awa. Despues a bin compronde cu e lama tabata hopi bruto y awa tabata yena den Midnite Sun. Tabatin seis persona abordo.
Kustwacht a bay duna e tripulantenan un man y a trece e 4 pasaheronan canto, mientras cu dos tripulante a keda abordo di e yate pa saca e awa y en espera di ayudo.
Varios unidad di polis a bay na e sitio, pero no por a haci nada otro cu tira bista for di canto.