Despues di cinco sin a a wordo reporta como perdi, dos paraglider cu a accidenta na Pico Colon di Sierra Nevada di Santa Marta, na Colombia, a wordo rescata y hiba na un centro medico pa nan atencion.
Forsa Aereo Colombiano a informa a traves di nan rednan social cu nan a haci e traslado di e paraglidernan p’e ciudad di Barranquilla (Atlantico), un poco mas di 100 kilometer di distancia.
E secretario di e Gobierno di Santa Marta, Camilo Geore, a publica riba su rednan cu Julio Bermudez y Santiago Aparicio lo a keda atrapa den un “luga hopi peligroso” den e base di e rand zuid di Pico Colon, di 5.730 meter di haltura. E rescatistanan y e personal di Cruz Cora, Forsa Militar y e Unidad Nacional p’e Maneho di Riesgo di Desaster (UNGRD), a yega n’e luga y a rescata e dos personanan aki.