“E mama di tur filtracion” (MOAB) a wordo descubri e siman aki p’e expertonan di e grupo
Cybernews y a ta inclui 12 terabyte di informacion.
A filtra 26 mil miyon di registro di usuario riba plataforma manera X (281 miyon), Deezer (258 miyon), LinedIn (251 miyon), Adobe (153 miyon) y Canva (143 miyon). Ta trata di informacion manera paswoord personal, registro di combersacion y preferencia individual.
E filtracion tambe ta inclui dato di diferente organisacion gubernamental, di pais manera Brasil, Alemania, Merca y Turkia.
Cybernews tambe a pone su plataforma na disposicion, a traves di cual e usuarionan, hincando un adres di e-mail of un number di telefon celular por verifica si nan dato a worco comprometi.
Si bo datonan ta aparece di ta comprometi riba cierto plataformanan, ta importante cambia e paswoord uza den nan.
Den prespectiva 12 terabyte di informacion ta igual nan 4,6 miyon buki den formato digittal segun un estudio di Foyer.