A recorda cu 50 aña pasa stewardess Margareth Abraham a salba basta bida despues cu avion a cay den lama

Su Mahestad Rei Willem Alexander a otorga stewardess señora Margareth Abraham postumamente, Medaya di Honor di Plata pa Yudansa Humanitario.
E medaya di Honor di Plata pa Yudansa Humanitario, ta despues di e orden Militar Willems-Orde, e distincion di curashi Hulandes mas bieu te ainda existente.

Ta otorga e distincion aki na personanan cu a haci un acto humanitario cu tin carakteristicanan di curashi, diligencia y sacrificio propio.

Dia 2 di Mei 2020 nos ta conmemora e echo cu 50 aña pasa e stewardess Señora Margareth Abraham a fayece. Durante un aterisahe feros di ALM 980 riba lama den bisindario di e isla St Croix el a sacrifica su propio bida pa salba mas pasahero di morto. Na e ocasion ey el a tuma su responsabilidad como stewardess, sin a duda ningun momento. Cu esaki el a demostra curashi y balentia.

Di acuerdo cu medidanan di Gobierno a declara den cuadro di e lucha contra COVID-19, a pospone te proximo aviso, e ceremonia caminda Gobernador ta entrega e medaya di honor di plata pa yudansa Humanitario na famia di señora M.Abraham di felis memoria.

Video di con e accidente a tuma luga.

Comments

comments