E presidente di Conseho electoral Aruba sr. Rossi Marchena durante un conferencia diaranson mainta a informa cu a ricibi algun bezwaar, e.o urna nr 5 ta cu un miembro a bira malo y a cay riba e stembiljetnan. E otro urna 32, 34, 43 ta trece dilanti cu voto invaldo ta mas halto cu normal y lo tabatin caso cu stembiljet cu no a wordo bon dobla y a keda declara onbruikbaar y aki a splica e parti valido y onbruikbaar no ta bay den buzon.
Tendencia cu voto invalido ta subiendo cada eleccion
Rossi Marchena a bisa tambe cu e tendencia cu tin pa cu voto invalido na Aruba pa cu e ultimo eleccionnan, si tuma nota di aña 2013 tabatin 556 voto invalido, sigui pa eleccion aña 2017 a subi na 751 voto invalido, na aña 2021 tabata 890 voto invalido, y pa 2024 e ta 976 voto invalido. Ta keda un tendencia cu voto invalido ta keda subi.
Pa bin cu e decision di e bezwaarnan, ta trata di urna 5, 32 y 34 e decision pa segun voto valido of no ta tuma luga enprecipio pa cu e miembronan di e urna. Na momento cu un stembureau declara voto invalido e presidente di urna ta mustra e stembiljet e tin cu mustre na esnan presente y tin bisa e motibo dicon ta declare invalido y esaki ta keda anota den un proces verbal. Pa cu e tres urnanan ningun di e personanan votado presente no a haci obhecion.
Situacion na urna 5, a opta di habri tur stembiljet
Pa loke ta urna 5, e ley ta stipula solamente stembiljet cu a keda declara invalido y mustra na esnan presente , e voorzitter y miembronan a dicidi di lo mustra tur stembiljet y ley no ta bisa esei ta obligatorio, ley ta bisa esnan presente si ta desea di wak y ta keda mustra, pero a dicidi di mustra tur, esaki a pone cu pa es motibo a tarda pa bin cu e resultado di e urna aki.
A habri tur procesverbal no tin ningun echonan y indicacion cu iregularidad a tuma luga na urna 5, 32, y 34. Y na urna 5 cu un miembro a bira malo y a cay riba stembiljet no ta haci esaki invalido y e decision pa cu hoofdstembureau no ta habri e urna aki pa reconteo.
Urna 43 tabatin tres obheccion, un votado lo a sali foi e stemhok cu e stembiljet no conforme cu e firma di presidente di conseho electoral ta mustra, e bezwaar a keda trata y e stembiljet a bay den stembus y a conta pa e votonan. E otro dos obhecion mas cu ta trata di stembiljet ora di vota esnan presente tabata di opinion cu ora di un voto ora di marca e ronchi a marca slide for di un otro ronchi y di parti esnan presente di parti mep 9 stembiljet y 2 di avp, parce e persona cu a vota e strepi a bay light riba otro ronchi. E presidente y e comision ta di opinion cu e no a pasa pa otro ronchi y a declara e votonan aki valido. Urna 43 no tabatin ningun indicacion cu iregularidad a tuma luga y e decision di hoofstembureau y no lo habri esaki tampoco pa conta e votonan di nobo.
Cifra di voto ta keda mescos
Hoofdstembureau a informa e total voto cu cada partido a ricibi y candidato a ricibi ta keda asina. Despues di 11 di december den tres dia lo manda un carta pa e candidatonan cu a keda eligi y den cinco dia cu e candidato ricibi e carta di hoofstembureau e tin cu confirma cu el a ricibi e carta y den 14 dia despues cu a ricibi e carta e tin cu informa si e ta acepta cu el a wordo eligi pa drenta parlamento despues cu e candidato confirma esaki na hoofdstembureau y aki di parti hoofdstembureau ta bolbe manda e candidato un carta cu ta confirme cu a ricibi su confirmacion, y e candidato aki mester presente e carta na Parlamento di Aruba. Despues cu parlamento tuma e decision di acepte, y momento cu parlamento forma y tuma decision kende ta e personanan cu ta bira parlamentario e ora hoofdstembureau lo bay over na kima stembiljet, y ley ta prescribi esaki cu lo tuma lugar di biaha.
