A pidi asistencia pa despues lanta cu polis na Palm Beach

Diadomingo despues di 8.30 di awe nochi varios patruya mester a bay na una cas na Palm Beach unda un grupo a lanta cu polis cu a bay brinda asistencia na e adres en cuestion. A papia cu tabatin losmento di un bala.

Inicialmente ta parce cu a pidi presencia di polis na e adres pasobra un persona femenino a wordo maltrata. Na yegada di polis a papia cu e partidonan envolvi , pero e emocion y voznan a cuminsa bay halto contra e patruya.

Den e transmision di MasNoticia.com por a scucha con e gritamento tabata na e sitio.

A pidi refuerso y diferente patruya a yega na e sitio pa reforsa nan coleganan. No a haya ningun arma di candela, y mester a detene tres persona, entre nan un muhe. Segun un di e detenidonan e hendenan a agredi un dama na estado tambe.

 

 

Comments

comments