Mester evalua caminda si esaki ta un hecho, caminda cu Colegio tin orarionan split y por ta esey cu ta haci cu por mira grupo di hobennan pafo di scol. Pero esaki no kier men cu nan no ta bayendo scol, siendo cu esaki no tuma luga den scol primario cu ta hopi mas estricto. Minister di Enseñansa, drs. Rudy Lampe ta splica.
Tin varios motibo unda cu por haya hobennan pafo di scol, caminda cu nan ta sali un rato of tin algun docente cu ta malo y no a bin duna e les, entre otro. Tin e caso na Colegio por ehempel unda e alumnonan ta sali un rato y despues bin scol bek. Riba esaki ta contempla pa bin cu un tecnologia pa controla e asistencia di e alumnonan na scol.
Ainda no tin un base legal pa por implementa sancionnan riba esaki. Tabata tin un presentacion di Ministerraad siman pasa riba leynan adicional cu mester wordo trata trata ainda y aproba. Asina por tin un base legal pa por cobra boet den caso cu por viola e ley di Leerplicht.
Awor kier stimula lo mas posibel, enberdad ta pidi e trahadonan social pa atende cu e casonan aki. Hopi biaha ora un mucha cu no ta atende scol, e famia caba a cay den un abismo pa cualkier motibo social. Tin famian cu ta cay den un abismo pa x motibo social, pa desempleo, el a cay cera na KIA. Nos comunidad tin biaha ta cruel y e no ta duna un di dos chance na un hende cu a sali for di KIA. E no ta logra haya trabao, y door di esey, tin famianan ta cay den un abismo. Ta stimula pa famia asina haya cierto atencion. Y no ta pensa pa bolbe castiga nan, si ya caba nan a ricibi un castigo social caba. Mas bien ta purba bin cu un otro perspectiva, otro yudansa, otro apoyo, pa stimula nan pa cumpli cu nan responsabilidad den bida ora tin yiu riba mundo, ya caba e ta un responsabilidad. Y un di esaki ta pa duna educacion, anto riba esaki mester bin cu basenan mas firma pa por trece sancionnan. Te asina leu, declaracionnan di drs. Rudy Lampe, minister di Enseñansa.